日期：二零零九年十二月十六日，星期三
時間：下午二時多
地點：敝宅
經過：家母如常下午外出「嘆奶茶」，回家時如常帶來一堆報紙雜誌－－一份《蘋果》，一份《信報》，還有最新的周刊及電腦雜誌。不過剛睡醒的本人，揭開報紙時，發現《蘋果》的頭版，好像怪怪的：底部為甚麼會有A、B、C疊之類的介紹，再翻開頂部，原來是一份《東方日報》，於是連忙大喊：「阿媽，點解你買左份《東方》？！」家母答曰：「唔係呀，我買左《蘋果》喎！」我：「明明係份《東方》喎！」家母此時出來再看看：「咦！點解會係《東方》既？梗係俾錯左報紙我啦！（註：光顧的書報攤，已經光顧了二十多年，對方每天都會預備我們要買的東西，到書報攤時一手交錢，一手交貨，極有默契也）」
我再問：「你飲緊奶茶時，睇唔出你睇緊既係《東方》咩？你明明成份A疊都睇晒架喎！」家媽答曰：「真係睇唔出．．．」
結論：經常說《東方》和《蘋果》「都係一樣」，此為最佳例證－－只消剪掉報頭，隨時來個掉包，將《東方》說是蘋果，或vice versa，都可以瞞天過海也。
Recent Comments