日期:二零零九年十二月十六日,星期三
時間:下午二時多
地點:敝宅
經過:家母如常下午外出「嘆奶茶」,回家時如常帶來一堆報紙雜誌--一份《蘋果》,一份《信報》,還有最新的周刊及電腦雜誌。不過剛睡醒的本人,揭開報紙時,發現《蘋果》的頭版,好像怪怪的:底部為甚麼會有A、B、C疊之類的介紹,再翻開頂部,原來是一份《東方日報》,於是連忙大喊:「阿媽,點解你買左份《東方》?!」家母答曰:「唔係呀,我買左《蘋果》喎!」我:「明明係份《東方》喎!」家母此時出來再看看:「咦!點解會係《東方》既?梗係俾錯左報紙我啦!(註:光顧的書報攤,已經光顧了二十多年,對方每天都會預備我們要買的東西,到書報攤時一手交錢,一手交貨,極有默契也)」
我再問:「你飲緊奶茶時,睇唔出你睇緊既係《東方》咩?你明明成份A疊都睇晒架喎!」家媽答曰:「真係睇唔出...」
結論:經常說《東方》和《蘋果》「都係一樣」,此為最佳例證--只消剪掉報頭,隨時來個掉包,將《東方》說是蘋果,或vice versa,都可以瞞天過海也。
alex, 我分到wor, 方向報的layout,冇生果咁靚wor
XDDDD!!!
雖然我都分到,不過分唔到又真係好好笑!
咪係!東方鬧得狠o的,讚自己多o的o架喎 XD
內容無留意(因為家人已經多年沒買東方),但版面設計及紙質油墨有很大的分別。
未能同意。
在生果報,你較難看到有關方向報的新聞;反之,在方向報卻經常可看到生果報的負面新聞或索性大罵生果一番。
本來,各自的讀者涇渭分明,但方向報經常提醒讀者生果報的存在。