Not NOW?

正當我們以為,電盈用十五億港元買下明年起三季的英超播映權,是已經夠「癲」之時,殊不知事件一不離二,二不離三。歐洲足協(UEFA)今晚(周五)公布二零零八年歐洲國家杯(右圖)的播映權結果,原來又是落在NOW寬頻電視手上!

看歐洲足協的新聞稿(PDF檔),見到如此寫道:

PCCW’s NOW TV is a cutting edge type of broadcaster that runs the largest IPTV operation in the world. This agreement will put UEFA and UEFA EURO 2008™ at the forefront of technology convergence with a fully integrated distribution on IPTV and mobile.

最後一句的意思,是不是如電盈早前宣布可以用3.5G手機看英超比賽般,利用流動寬頻網絡在手機直播歐洲國家杯賽事?不過無論如何,我最有興趣知道的,是這次電盈的出價,事緣上次電盈一次過「豪擲」十五億,「一鋪過」K.O.本有另一套策略的有線,將他殺個措手不及--這次又是不是歷史重演?

之前有線電視曾推出廣告,吹捧自己擁有歐洲四大聯賽,又語帶諷刺稱要在友儕間談論其他比賽時,真的是不合時宜--not now也。但是有線先是失去英超,現在又失去歐洲國家杯,其他人可以大叫 “It’s now” 矣!

2 Responses to “Not NOW?”


  • using Mozilla Firefox Mozilla Firefox 2.0 on Windows Windows Vista

    其實有線出埋D咁嘅TVC真係無謂兼小家!

    btw, 近排好多spam comment?

  • using Internet Explorer Internet Explorer 6.0 on Windows Windows XP

    唔止無腦兼小家,對待員工的手段都好卑鄙,話說,我朋友係有線電視廣告部度做,已經九年幾就快十年,十二月十五號收到信,叫佢第二日唔使返工,原因係佢今年既appraisal 差,所以要即時炒魷,只係補返一個月人工,同埋計返D MPF,不過bonus就一個仙都冇,但係佢之前既bonus每次都有成兩個月糧架喎!而且佢之前一直表現都好好,仲升過幾次職,又跟左好多大o既體育project,好似英格蘭超級聯賽、意大利波、同今年既世界盃等等…如果佢表現差,就唔會比咁多大野佢跟啦! 不過佢舊年o黎左個新阿頭 – 陳X輝,呢個人乜都唔識,辦事能力低,又事事卸膊;再加上佢隻走狗 – 陳X全,一樣係同類人,物以類聚呀嗎!佢地兩個都係under曾展章既。可能佢地認定佢係舊老細既得力助手,所以樣樣都針對佢;問野又話佢多事,唔問又話佢唔主動,講左D唔岩聽既意見又話佢攪事。曾展章就幫哂佢地兩個,又縱容佢地兩個,由得佢地亂黎。而家有線冇哂D波,就即刻炒人,仲用埋D拿渣手段,炒人炒得好肉酸添。我朋友話佢今年簽左兩次appraisal,第一次10月尾,個次D分都幾好,點知到左11月頭,佢地比左第二份佢簽,D分底左好多,叫佢再簽返就當比次機會佢,講到明佢唔係做野有問題,係唔鍾意佢D態度喎!之後仲衰到sent埋e-mail要佢唔好同人講呢件事,一同人講就炒,所以佢o個陣都冇同過任何人講囉,諗住點都比佢過埋年,出埋bonus呀!點知佢地用appraisal低分呢個理由炒佢,仲冇埋D bonus添!真係好慘呀!年尾流流,佢仲要供樓、交稅同養家,有冇人識D法律見意可以幫到佢?佢上司咁樣屈佢簽第二份appraisal 得唔得架?或者有冇第二D途徑追返D bonus呀?

    我都有朋友o係有線做,佢同我講佢公司都傳緊會裁員,但係估唔到呢間公司會用d咁卑鄙的方法(裁員)o者…
     
    可能所有球賽俾now買晒,佢地要慳錢,用埋d咁o既手法炒人,唔知仲有幾多受害者呢?

Comments are currently closed.



%d bloggers like this: