「該煨」，想不到二零零六年第一篇文章，內容竟然如此：到醫院睇急症。
話說元旦日本人休息，晚飯與家人外出度歲，到了灣仔寶靈頓街的「祥正」吃飯（我家人有兩間飯店吃了超過二十年，一間是祥正，另一間是上環的「尚興」），叫了我們經常吃的東西，不過正想點炒蜆時，老爸突然建議吃蟶子，家中各人覺得很久也沒有吃過（通常是吃蜆及花螺），於是也同意他的點子。
正當一家人「飲飽食醉」，坐車回家之時，我突然發現腰部有點癢，當時以為是皮膚乾燥之故（不期然想起栗子「角質醇／皮質醇偏高」的故事）。但是回家之後，痕癢的情況愈來愈嚴重，身體多個部分都「紅」了之餘，看看手背，哇，又紅又腫！我開始懷疑這是食物敏感的症狀－－同類事件過去一直未有在本人身上發生，真是有點吃驚。本來決定到東區尤德夫人醫院看急症的，但是母親大人覺得與其付了錢，又要在急症室等的話（我曾有經驗，以這類「小毛病」，隨時要等兩個小時或以上），倒不如到銅鑼灣的聖保祿醫院看門診更好。
於是飛的到醫院看急症，幸好醫院病號不太多，很快就到我的份兒。不過奇怪的是，醫生認為事件不是食物引起，但是由得他吧，總之能醫好本人便成！領了藥，打了針，最後「埋單計數」，盛惠四百一十六元！但是始於懷疑事件的「元兇」是那碟蟶子，因為本人已有好幾年沒有吃過這東西．．．
想不到，「新年流流」第一件大事，就是突然敏感症發作到醫院看急症，還要付數百元藥費，真是大吉利是！還是明天再看看那部交換回來的運程書，看看有沒有相關的「暗示」！
可能是那支抗敏感針及藥物開始起作用，實在有點睏了，還是休息休息吧。
P.S.曾在別處試用了Wordpress 2.0版，但是實在．．．太差了，這裡在可見的將來，暫時都不會升級了。 看了香港仔公爵升級2.0的報告後，我會重新考慮升不升級。
get well soon ~pema~
保重啊，得傢啦，新年發哂出黎，仲見紅（腫）添，之後好事一定會接續來，紅運當頭啦。
不要緊，一年的惡運在第一天已受了，跟著全年好運。
保重…
當我讀第一段時，還以為「話道元旦 日本人 休息」，還想不通關日本人甚麼事呢…..原來是「元旦日 本人 休息」
昨晚寫這篇時「wing吓wing吓」，所以特多錯字，請見諒！
好番未？抱歉！在交換回來的運程書中一定未有啟示，因為還未立春，今年2月4日立春，此後才是狗年，可能你要翻查雞年運程書了！可惜我只知道你是10月26日生日，不知道你屬何生肖，有冇人可以話我知？無論如何，祝你早日康復，身體健康啦！
是風疹嗎?
小心身體。
係咪真係麥小姐上了來 ?
Pema,我真係麥玲玲，我無意中看到你朋友在日誌中寫到從交換禮物中得到我的運程書，但好像有點氣憤難平，我只是八卦兼且想安慰一下在不公平交易中的受害人，你同佢係同事？朋友？知唔知佢屬何生肖？
alex,你個blog真厲害,連麥玲玲小姐都來了……祝早日康復,新一年事事順利,好運返埋嚟
很喜歡你的Blog, 繼續努力, 小病是福, 祝新的一年順順利利, Get well soon.
我今日都有食蟶子，好彩冇事…..
小心身體呀～～
Hello 麥小姐, Happy New Year !
我是 alex 的網友, 素未謀面呀, 他未答你, 應該未好番啦 !
嘩，不得了，麥大師親臨留言，錦上添花，因禍得福阿周兄。
我覺得可以當花邊新聞報導一下，夠攪野呀。
Pema,新年快樂！
Alex,我都覺得你未必係食物敏感，因為食物敏感一係就全部有殼海產，好少淨係一種，(我寫字樓前後左右隔都係名醫，佢地日過我度傾計，都累積到少少醫學常識)，所以我都認為你似風疹多D，但風疹可能同壓力有關，點都好，休息多D啦！
看來 alex 應私下把你的生肖八字給麥小姐，讓她根據你的生肖等計計今年應用甚麼顏色作為你的 blog 底色、或需不需要於你的 blog 左上角 / 右下角放盤電腦花花 / 電腦金魚擋擋病符星才行。
幾有興趣看堪輿學家寫的網上日記。麥小姐有興趣開先河嗎 ?
alex, 好橙喎, 祝早日康復啦.
如果係風疹, 就唔好四周圍去啦, 要休息多啲!
有大師親臨到訪, 學公爵話齋, 因禍得福呢~
今年有運行啦!
港燦，極有興趣，可有好提議？應如何開始？
Alex, 好番晒未? 快d 整番篇“因禍得福，玲玲利利06年”! ^o^
麥小姐, 得閒開番個blog 啦, 好易o架咋~
最多幫你做埋技術支援又如何? :)
sidekick,謝謝！遲D一定要請教下你地！
多謝各位的問候，病大概已是痊癒了，其實昨晚打了針後，病情也很快得到舒緩（不過也要吃藥），只是今天要上班，一時未有空「報告」病情而已。
其實醫生也說是風疹，不過這樣的情況過去一直未有發生過，所以有點奇怪及驚訝。也想未必與當晚所吃的蟶子有關。總之就是病源不知在哪的情況。
麥大師，多謝你的留言。其實我那篇那晚抽到你的著作之後的感言，是沒有惡意的，只是本人一直沒有買運程書及星座書的習慣，所以換禮物後有點不受用的感覺。況且本人市僧，覺得付出了百多元買禮物，換來一份價值不太相等的東西，覺得有點「蝕底」而已。若有得罪之處，請多多包涵啦！
Alex﹕你真勤力﹐半天病假也不請﹗痊癒就好了﹗
無錯，麥大師，我o既意思都係同Alex一樣，我唔話你本書唔得，而係覺得果位朋友一定係買o左本書，睇完啦，再俾人。而Alex交換禮物俾出咁多心機，換回o既，只係朋友對佢咁，我就覺得咁樣好無品好啜核。
我好羨慕你有個幫你製作Pocket PC八字program o既老公傢，真係sweet^_^
Alex,好番就好！但這種情況其實是身體釋放一種叫組織胺的物質到皮膚下層的反應已而引起，誘發因素有可能是壓力、花粉，藥物，食物，感冒，你要注意下身體，做D減壓運動啦！
我無怪大家，唔好講到我好似好小氣！我要做野啦，得閒先再同你地傾計，今個星期都係不停拍十二生肖運程同做訪問，有時都幾時悶！
黛：我相信這位朋友（其實是我朋友的朋友，從未謀面）是買新書的，不過只是覺得有點「騎呢」。況且交換禮物的場合，送禮者宜「政治正確」一點，舉凡涉及宗教、政治甚至如星座運程等有可能「出事」的禮物，都不是送禮佳物，送如文具食物等實用性強的東西包冇「走雞」，當然，最好是送coupon！（其實我那天也想買coupon，但是citysuper實在人太多啦！）
麥大師：絕無小氣之意，只是之前覺得說話狠了一點，有點心虛，現在「補鑊」而已！也再次多謝你的問候！這一個月身體似乎不太好（罕有地看了兩次醫生），我想也應該好好休息．．．
alex 兄。之前私務太多，至現在才有時間留言。你而家差唔多好番晒就好啦。
不過，跟據個人親身經驗，出疹係未必會有明顯病源，我同好多朋友都係「不明不白」咁中招。我當年仲病咗成個星期。
嘩
兄弟，你個blog強勁到麥大師都嚟留言，小弟真係甘拜下風！！
alex
你的blog超強橫
睇黎你今年的運程並非不滯，而係絕頂好！
另借此機會留言俾麥大師：
我曾經在網上讀到你的文章，挺準和挺好看的。=)
我雞年狗年都有買麥玲玲師傅的書，因為猴年在網上看過，覺得好準… @_@ 但係有好多野其實唔知好過知，反正知左亦無法改運，好悲哀。
Pete and Ada：強呢就說不上啦，不過真係估唔到會有大師光臨呢！
麥大師：本人生肖屬羊，歲數呢．．．再找這裡的文章，都可以找出來啦！
Alex,原來你屬羊，我有你出生年、月、日，都應該可以計到好多野！想唔想知自己感情運？？不過男人都係關心財運多D！
我都順便借機會多謝Ada同Kli；Kli，無錯，運係唔可以改，但可以改變睇法同埋有所準備；如果我話你知明天會下雨，我無法改變天氣，但你可以帶雨傘出街呀！
Kli做乜咁悲？唔似你喎。啊大師都話可以轉化，我覺得你要學o下帶傘，除非你自己唔願意帶。
剛剛重看一下雞年運程，運勢預測仍是出奇的準，而慶幸今年我大概是「食得住」好的運勢，但不好的總是避不過，很多時也無能為力。
就像是打了傘，結果還是濕身。
黛：不是我不想，而是無能為力。
麥師傅想建blog嗎？其實反正已經有個.com，安裝Wordpress不過是15分鐘的事，很容易的 :) Wordpress 可從 http://www.wordpress.org 免費下載，然後找個有點安裝網上軟件經驗的人上載到maklingling.com就搞定了。
麥大師個Server好似係Windows IIS，無裝Perl / PHP……不過，她的夫君是IT人，我想如果要作設定，完全不會是問題。
Kli，我覺得你真係可以喎，我都相信你會越來越好。
呢度好似變o左做“麥玲玲信箱”咁~~ ^___^
所以要鼓勵麥玲玲師傅盡快開blog :P
黛、Kli：多謝你地鼓勵，我其實都好想開blog，但我有兩大憂慮，其一我是電腦盲，怕技術支援麻煩；其二，我怕惹來敵意攻擊，說實話，我從不上網搜查自己的資料，就是怕看到一些惡意批評，我今次進入了Alex網誌，其實是因為上網尋找馬教授(我的朋友)的資料，但無意中看到交
換禮物一則，覺得很有趣，於是上來閒聊幾句，發現原來真係幾好玩！
Alex,唔好意思，成日借你地方講野，我諗你就快同我收租金！
sidekick,我聽左你段廣播，幾得意，你係馬教授fans?
嘩！好像未試過這裡的文章，會有超過四十個回應的，真是開心死了！
麥大師：我又怎會介意呢，有空時不妨多來多留言才是啦。至於搞Blog，正如黛及其他人所言，不是太難，反而是留言才是問題，你知啦，人出名時，很多時也會招來一些很奇怪的留言的。如果你需要協助的話，只要一開聲，這裡一定有大把人出手相助！
咪係，麥大師，心動不如行動，勁撐你bor！
麥大師, 我都係電腦盲都寫到blog, 其實寫blog唔難!
唔駛擔心, 大把人撐你!
麥大師，你可以確保留言者都要留身份，篩走匿名的惡意攻擊。
小妹的 opendiary 亦曾有好事之徒留低有點惡意的說話，其實剷走佢或者 block 左佢就應該得。
等緊睇你的 blog。
黛、sputnik、Ada:你地真係好，好感激兼好感動！
Alex:我睇過你時辰八字，開始行名氣運，比心機啦！你可以好出名架！寫好D文章，出下書，再唔係我推薦你入娛樂圈?
有麥師傅捧場，Alex想唔行名氣運都唔得啦 :P
正如Ada所講，要篩走好事之徒的留言，係有方法的，其中一個就是首先要審閱過才用能張貼，那樣就能刪除惡意留言，但又保留有用留言了。
不過問題是要審閱那些留言都要很高EQ才行囉，世上行惡之人真不少。
“Alex:我睇過你時辰八字，開始行名氣運，比心機啦！你可以好出名架！寫好D文章，出下書，再唔係我推薦你入娛樂圈?”
＜－嘩~ Alex, 好犀利呀~~~
麥小姐, 咁阿Alex 幾時有桃花呀? 狗年戀愛運如何?
另,我唔係馬家輝fan屎, 我係Alex fan屎~ ^o^
呢個後生仔呢, 雖然有d “八股”, 但學識真係好豐富, 涉獵甚廣, 有內涵之餘又有見地, 絕不人云亦云~ 再加上待人以誠, 有上進心, 係荀盤一個! :p
娛樂圈應非Alex 心之所屬, 不過娛樂圈內(或外)的美女, 就…:p
Alex真係一個好仔黎，佢只係鐘意睇波，唔鐘意賭波，你話香港幾少見o的咁好o既後生仔。
麥師傅，啊Alex今年有無機會升職啊？
haha, 我都係 alex 的 fans, 日日也來看網誌 ^-^
麥大師, 不要顧慮太多, 開個網誌與其他網友交流一下吧! 相信不少人會支持的. 關於命理風水的話題多得很, 說也說不盡呢 ~~~
Alex：你睇下大家幾關心你將來(桃花運、事業運)，覺唔覺得有壓力呢？
麥大師：多謝指點！有你的光臨，我也感到近期人氣急升，這也是名氣的一種罷？不過娛樂圈我就怕怕啦，因為我怕醜，嘻嘻！我想我需要桃花運多點．．． :P
小踢及黛：哎，你地真係讚壞我了，我也不是你們口中這麼多才多藝啦，況且．．．我也有賭波的啊！（間中而已！）
Pema：多謝你的鼓勵啦！
麥大師﹕架設網誌真的不難﹐我最近嘗試過﹐全無經驗都可以15分鐘內搞掂（當然﹐如果要增加功能和特別設計﹐就要花更多時間）。至於惡意留言﹐你可以設定為先批准才公開﹐又或者要求登記戶口﹐如果誰惡意留言就可以禁止再登入。
Alex﹕Sidekick 話你係荀盤一個﹐我都係咁話﹐如果我在香港﹐有適合的親戚朋友﹐一定同你介紹。
Oops! What a miss!!! Alex, Happy New Year and best wishes!
alex，麥大師真係準，算得出你開始行「名氣運」－－你睇呢到就可以印證得到。=)
我都想知你的事業運和桃花運呢，嘻！
p.s.搞到我都想問埋一份添，哈！
Stannum：荀盤一詞，真是過譽了，但是奇怪若是荀盤的話，會甚麼會無人問津？呵呵！
Ada：你又要人答，但係條link都冇野睇，點搞先？！
Male：祝福有心唔怕遲，多謝！也祝你這年事事如意！
作為一個荀盤，都要懂得宣傳，才會招來睇盤人士，並爭相認購！
共勉之！:p
不好意思荀盤是什么？我知道是很好很好的意思可是究竟是怎么个好法的？
也就是撿到大便宜的意思啦。
sidekick、黛、Ada：早兩日馬教授仲笑我八卦，問我點解甘大膽用真名走入人地個網誌留言？但我發現你地比我更八卦，個個都想知Alex d野！哈哈！我明白你地個個都好關心朋友，但跟據私隱條例，未得當事人同意，講佢d野好似唔係幾好，你地幫我左批文先啦！
未得到Alex批准之前，唔可以講得太深入，但又想你地幫下佢手，講少少啦，Alex唔好鬧我！Alex同屬馬、兔、豬拍拖機會最高，猴、牛、蛇都應該唔駛諗，我地用排除法幫你做初選，你點睇？
我上個月就是這樣連續三天入了急診室
痛苦的經驗！
講到名人上網，最大膽的我會推舉曹宏威教授，而處理得最好的就是李天命博士，前者應對自如，見招拆招，後者脫俗超凡，遊戲人間（還邀得金庸、李國章局長等賜文，而曹教授和馬家輝教授亦是其網上嘉賓），二人的網站都沒有檢察機制，如此胸懷實在值得其他名人借鏡。
麥大師：哈，呢回事都係講ｄ唔講ｄ好，說得太明白，就不夠過癮了！不過沒識太多人是屬兔及豬呢，噢！
Kli：曹宏威的網站沒去過，不太清楚那邊的情況，反而李天命先後在港台及明報開網，其實也不太需要檢查機制，因為兩邊的讀者都可以起互相牽制的作用，亂來的人在那邊沒有市場啦！
不打緊啦，反正Alex都係荀盤，我覺得，大家現在Google一下「筍盤」二字，應該很容易就會連結到Alex的網站去。
Alex：屬馬呢？比你年輕一歲，應該認識唔少架？但我始終認為，人何須認識得多，合適的話，一個便足夠了！不過，你真正的姻緣運在虛歲31歲才會出現，現在可以專注事業，反正06、07、08連續三年的事業運都非常好，升職絕對無問題！(放心啦，黛)
Kli:原則上讚成你的睇法，但其實這不單只是有沒有胸懷問題，亦是層次和技術問題，講纙緝思維，誰人能及李天命？至於曹博士的網站，我也沒到過，但曾經一齊做過現場節目，感覺是你有你講，佢有佢講，當然，最後變成只有佢講，冇你講，所以我認為佢個網都冇人夠膽亂寫野，應該唔使gatekeeper，哈哈！
Yeah！Alex要請食飯啦，我問佢升唔升識就係想食餐好o者，嘿嘿！
黛：可否預埋我？
兩人能否在一起, 緣份很重要, 有時生肖星座很夾, 也會分開.
麥大師：哈哈.. 曹博士其實係好過癮的 XD 就算有人寸佢潤佢撩交嗌，佢都冇有怕，好正 :P
Alex: 同意「講得太白唔過癮」，我曾去台灣紫微斗數論壇問應否創業，眾網友無論高手新手幾乎一致認為我命格不宜創業，聽後真係有點沮喪。
還有一個奇想就是, 如果命理大師批斷, 你與你的男友/女友是不宜結婚, 你會放棄你所喜歡的人嗎 ?
一時打錯，我係想話「屬馬，大Alex一歲的應該識唔少」。好彩你地唔係行家，冇咁快發現呢個小mistake，哈哈﹗
麥大師：昨日看到你留言，也奇怪了很久，心想生肖排列不是「龍蛇馬羊」嗎．．．不過我還未有提出疑問時，你已經來拆彈了！唔，我認識的女性，不少是屬羊（也就是同年出生）的人啦！
黛：若你所言屬實，我一定會兌現的。
Pema：你這個問題，真的很難說．．．
Pema：如果係我就唔會放棄，我會尋求化解方法！講真，我都好少見人不宜結婚，反而有不少情侶，前來擇日子結婚之時，我已經心中有數，知道他們在干年後，多數離婚收場，遇上這種情況，我會婉轉告知，但我還是覺得婚應該照結，最多勸佢兩個錢銀分清楚d，亦唔好要小朋友住，過多幾年至算囉，況且愛情都係講求過程，唔應該太著重結果，同意嗎？
麥大師：
點解你可以咁勁，ｄ情侶來擇日子時，已經知道佢地持唔持久？=)
係咪你見到是但一方太一面倒愛對方呢？
testing…點解我頭先個message無左既?
OMG…居然惊见麦大师
原来大师都八卦噶
其实我都系马家辉FANS,明报有赖他和梁文道两支笔生色不少.去年政改受挫之后.一句”在废墟上看见罗马”高瞻远瞩,肃然起敬.不过很可惜,BLOGSPOT,在大陆不能上.有好多名人,包括方卓如这些都看不了.
讲开又讲,时常来这个BLOG潜水.发现都几多猛料.哈哈
麦大师仲得闲上来吹水开讲座不?下次应该请你都帮我指点一下迷津至得;-)
也就是撿到大便宜的意思啦。