二零零六第一Post

「該煨」,想不到二零零六年第一篇文章,內容竟然如此:到醫院睇急症。

話說元旦日本人休息,晚飯與家人外出度歲,到了灣仔寶靈頓街的「祥正」吃飯(我家人有兩間飯店吃了超過二十年,一間是祥正,另一間是上環的「尚興」),叫了我們經常吃的東西,不過正想點炒蜆時,老爸突然建議吃蟶子,家中各人覺得很久也沒有吃過(通常是吃蜆及花螺),於是也同意他的點子。

正當一家人「飲飽食醉」,坐車回家之時,我突然發現腰部有點癢,當時以為是皮膚乾燥之故(不期然想起栗子「角質醇/皮質醇偏高」的故事)。但是回家之後,痕癢的情況愈來愈嚴重,身體多個部分都「紅」了之餘,看看手背,哇,又紅又腫!我開始懷疑這是食物敏感的症狀--同類事件過去一直未有在本人身上發生,真是有點吃驚。本來決定到東區尤德夫人醫院看急症的,但是母親大人覺得與其付了錢,又要在急症室等的話(我曾有經驗,以這類「小毛病」,隨時要等兩個小時或以上),倒不如到銅鑼灣的聖保祿醫院看門診更好。

於是飛的到醫院看急症,幸好醫院病號不太多,很快就到我的份兒。不過奇怪的是,醫生認為事件不是食物引起,但是由得他吧,總之能醫好本人便成!領了藥,打了針,最後「埋單計數」,盛惠四百一十六元!但是始於懷疑事件的「元兇」是那碟蟶子,因為本人已有好幾年沒有吃過這東西...

想不到,「新年流流」第一件大事,就是突然敏感症發作到醫院看急症,還要付數百元藥費,真是大吉利是!還是明天再看看那部交換回來的運程書,看看有沒有相關的「暗示」!

可能是那支抗敏感針及藥物開始起作用,實在有點睏了,還是休息休息吧。

P.S.曾在別處試用了Wordpress 2.0版,但是實在...太差了,這裡在可見的將來,暫時都不會升級了。 看了香港仔公爵升級2.0的報告後,我會重新考慮升不升級。

32 Responses to “二零零六第一Post”


  • using Internet Explorer Internet Explorer 6.0 on Windows Windows XP

    有麥師傅捧場,Alex想唔行名氣運都唔得啦 :P
    正如Ada所講,要篩走好事之徒的留言,係有方法的,其中一個就是首先要審閱過才用能張貼,那樣就能刪除惡意留言,但又保留有用留言了。

    不過問題是要審閱那些留言都要很高EQ才行囉,世上行惡之人真不少。

  • using Mozilla Firefox Mozilla Firefox 1.5 on Windows Windows XP

    “Alex:我睇過你時辰八字,開始行名氣運,比心機啦!你可以好出名架!寫好D文章,出下書,再唔係我推薦你入娛樂圈?”
    <-嘩~ Alex, 好犀利呀~~~
    麥小姐, 咁阿Alex 幾時有桃花呀? 狗年戀愛運如何?

    另,我唔係馬家輝fan屎, 我係Alex fan屎~ ^o^
    呢個後生仔呢, 雖然有d “八股”, 但學識真係好豐富, 涉獵甚廣, 有內涵之餘又有見地, 絕不人云亦云~ 再加上待人以誠, 有上進心, 係荀盤一個! :p
    娛樂圈應非Alex 心之所屬, 不過娛樂圈內(或外)的美女, 就…:p

  • using Mozilla Firefox Mozilla Firefox 1.5 on Windows Windows XP

    Alex真係一個好仔黎,佢只係鐘意睇波,唔鐘意賭波,你話香港幾少見o的咁好o既後生仔。

    麥師傅,啊Alex今年有無機會升職啊?

  • using Internet Explorer Internet Explorer 6.0 on Windows Windows XP

    haha, 我都係 alex 的 fans, 日日也來看網誌 ^-^
    麥大師, 不要顧慮太多, 開個網誌與其他網友交流一下吧! 相信不少人會支持的. 關於命理風水的話題多得很, 說也說不盡呢 ~~~

  • using Internet Explorer Internet Explorer 6.0 on Windows Windows XP

    Alex:你睇下大家幾關心你將來(桃花運、事業運),覺唔覺得有壓力呢?

  • using Mozilla Firefox Mozilla Firefox 1.0.7 on Windows Windows XP

    麥大師:多謝指點!有你的光臨,我也感到近期人氣急升,這也是名氣的一種罷?不過娛樂圈我就怕怕啦,因為我怕醜,嘻嘻!我想我需要桃花運多點... :P

    小踢及黛:哎,你地真係讚壞我了,我也不是你們口中這麼多才多藝啦,況且...我也有賭波的啊!(間中而已!)

    Pema:多謝你的鼓勵啦!

  • using Mozilla Firefox Mozilla Firefox 1.5 on Windows Windows XP

    麥大師﹕架設網誌真的不難﹐我最近嘗試過﹐全無經驗都可以15分鐘內搞掂(當然﹐如果要增加功能和特別設計﹐就要花更多時間)。至於惡意留言﹐你可以設定為先批准才公開﹐又或者要求登記戶口﹐如果誰惡意留言就可以禁止再登入。

    Alex﹕Sidekick 話你係荀盤一個﹐我都係咁話﹐如果我在香港﹐有適合的親戚朋友﹐一定同你介紹。

  • using MultiZilla MultiZilla 1.6.4.0b on Windows Windows 2000

    Oops! What a miss!!! Alex, Happy New Year and best wishes!

  • using Internet Explorer Internet Explorer 6.0 on Windows Windows XP

    alex,麥大師真係準,算得出你開始行「名氣運」--你睇呢到就可以印證得到。=)
    我都想知你的事業運和桃花運呢,嘻!

    p.s.搞到我都想問埋一份添,哈!

  • using Mozilla Firefox Mozilla Firefox 1.0.7 on Windows Windows XP

    Stannum:荀盤一詞,真是過譽了,但是奇怪若是荀盤的話,會甚麼會無人問津?呵呵!

    Ada:你又要人答,但係條link都冇野睇,點搞先?!

    Male:祝福有心唔怕遲,多謝!也祝你這年事事如意!

  • using Mozilla Firefox Mozilla Firefox 1.5 on Windows Windows XP

    作為一個荀盤,都要懂得宣傳,才會招來睇盤人士,並爭相認購!
    共勉之!:p

  • using Internet Explorer Internet Explorer 6.0 on Windows Windows XP

    不好意思荀盤是什么?我知道是很好很好的意思可是究竟是怎么个好法的?

  • using Mozilla Firefox Mozilla Firefox 1.0.7 on Windows Windows XP

    也就是撿到大便宜的意思啦。

  • using Internet Explorer Internet Explorer 6.0 on Windows Windows XP

    sidekick、黛、Ada:早兩日馬教授仲笑我八卦,問我點解甘大膽用真名走入人地個網誌留言?但我發現你地比我更八卦,個個都想知Alex d野!哈哈!我明白你地個個都好關心朋友,但跟據私隱條例,未得當事人同意,講佢d野好似唔係幾好,你地幫我左批文先啦!

  • using Internet Explorer Internet Explorer 6.0 on Windows Windows XP

    未得到Alex批准之前,唔可以講得太深入,但又想你地幫下佢手,講少少啦,Alex唔好鬧我!Alex同屬馬、兔、豬拍拖機會最高,猴、牛、蛇都應該唔駛諗,我地用排除法幫你做初選,你點睇?

  • using Mozilla Firefox Mozilla Firefox 1.0.7 on Windows Windows XP

    我上個月就是這樣連續三天入了急診室
    痛苦的經驗!

  • using Internet Explorer Internet Explorer 6.0 on Windows Windows XP

    講到名人上網,最大膽的我會推舉曹宏威教授,而處理得最好的就是李天命博士,前者應對自如,見招拆招,後者脫俗超凡,遊戲人間(還邀得金庸、李國章局長等賜文,而曹教授和馬家輝教授亦是其網上嘉賓),二人的網站都沒有檢察機制,如此胸懷實在值得其他名人借鏡。

  • using Mozilla Firefox Mozilla Firefox 1.0.7 on Windows Windows XP

    麥大師:哈,呢回事都係講d唔講d好,說得太明白,就不夠過癮了!不過沒識太多人是屬兔及豬呢,噢!

    Kli:曹宏威的網站沒去過,不太清楚那邊的情況,反而李天命先後在港台及明報開網,其實也不太需要檢查機制,因為兩邊的讀者都可以起互相牽制的作用,亂來的人在那邊沒有市場啦!

  • using Mozilla Firefox Mozilla Firefox 1.5 on Windows Windows XP

    不打緊啦,反正Alex都係荀盤,我覺得,大家現在Google一下「筍盤」二字,應該很容易就會連結到Alex的網站去。

  • using Internet Explorer Internet Explorer 6.0 on Windows Windows XP

    Alex:屬馬呢?比你年輕一歲,應該認識唔少架?但我始終認為,人何須認識得多,合適的話,一個便足夠了!不過,你真正的姻緣運在虛歲31歲才會出現,現在可以專注事業,反正06、07、08連續三年的事業運都非常好,升職絕對無問題!(放心啦,黛)
    Kli:原則上讚成你的睇法,但其實這不單只是有沒有胸懷問題,亦是層次和技術問題,講纙緝思維,誰人能及李天命?至於曹博士的網站,我也沒到過,但曾經一齊做過現場節目,感覺是你有你講,佢有佢講,當然,最後變成只有佢講,冇你講,所以我認為佢個網都冇人夠膽亂寫野,應該唔使gatekeeper,哈哈!

  • using Mozilla Firefox Mozilla Firefox 1.5 on Windows Windows 2000

    Yeah!Alex要請食飯啦,我問佢升唔升識就係想食餐好o者,嘿嘿!

  • using Internet Explorer Internet Explorer 6.0 on Windows Windows XP

    黛:可否預埋我?

  • using Internet Explorer Internet Explorer 6.0 on Windows Windows XP

    兩人能否在一起, 緣份很重要, 有時生肖星座很夾, 也會分開.

  • using Internet Explorer Internet Explorer 6.0 on Windows Windows XP

    麥大師:哈哈.. 曹博士其實係好過癮的 XD 就算有人寸佢潤佢撩交嗌,佢都冇有怕,好正 :P

    Alex: 同意「講得太白唔過癮」,我曾去台灣紫微斗數論壇問應否創業,眾網友無論高手新手幾乎一致認為我命格不宜創業,聽後真係有點沮喪。

  • using Internet Explorer Internet Explorer 6.0 on Windows Windows XP

    還有一個奇想就是, 如果命理大師批斷, 你與你的男友/女友是不宜結婚, 你會放棄你所喜歡的人嗎 ?

  • using Internet Explorer Internet Explorer 6.0 on Windows Windows XP

    一時打錯,我係想話「屬馬,大Alex一歲的應該識唔少」。好彩你地唔係行家,冇咁快發現呢個小mistake,哈哈﹗

  • using Mozilla Firefox Mozilla Firefox 1.0.7 on Windows Windows XP

    麥大師:昨日看到你留言,也奇怪了很久,心想生肖排列不是「龍蛇馬羊」嗎...不過我還未有提出疑問時,你已經來拆彈了!唔,我認識的女性,不少是屬羊(也就是同年出生)的人啦!

    黛:若你所言屬實,我一定會兌現的。

    Pema:你這個問題,真的很難說...

  • using Internet Explorer Internet Explorer 6.0 on Windows Windows XP

    Pema:如果係我就唔會放棄,我會尋求化解方法!講真,我都好少見人不宜結婚,反而有不少情侶,前來擇日子結婚之時,我已經心中有數,知道他們在干年後,多數離婚收場,遇上這種情況,我會婉轉告知,但我還是覺得婚應該照結,最多勸佢兩個錢銀分清楚d,亦唔好要小朋友住,過多幾年至算囉,況且愛情都係講求過程,唔應該太著重結果,同意嗎?

  • using Internet Explorer Internet Explorer 6.0 on Windows Windows XP

    麥大師:
    點解你可以咁勁,d情侶來擇日子時,已經知道佢地持唔持久?=)
    係咪你見到是但一方太一面倒愛對方呢?

  • using Internet Explorer Internet Explorer 6.0 on Windows Windows XP

    testing…點解我頭先個message無左既?

  • using Internet Explorer Internet Explorer 6.0 on Windows Windows XP

    OMG…居然惊见麦大师
    原来大师都八卦噶

    其实我都系马家辉FANS,明报有赖他和梁文道两支笔生色不少.去年政改受挫之后.一句”在废墟上看见罗马”高瞻远瞩,肃然起敬.不过很可惜,BLOGSPOT,在大陆不能上.有好多名人,包括方卓如这些都看不了.

    讲开又讲,时常来这个BLOG潜水.发现都几多猛料.哈哈

    麦大师仲得闲上来吹水开讲座不?下次应该请你都帮我指点一下迷津至得;-)

  • using Mozilla Firefox Mozilla Firefox 2.0.0.14 on Windows Windows XP

    也就是撿到大便宜的意思啦。

Comments are currently closed.



%d bloggers like this: