路過……

我都覺得捷克有機玩殘意大利……始終前者前排聽落好似強左D*
不過個人都係想見到克羅 + 荷蘭出線*
而沙地阿拉伯……次次都有份,但次次俾人數XD

大空翼 vs 辛坦拿?

今天再想想英格蘭的情況。是的，英格蘭這幾年的表現反覆不定（私見認為，最穩定那幾年是雲拿保斯做教練時），但是一如根本吹水所言，英格蘭有「遇強愈強」的特點，只是在分組賽時，沒有如德國或阿根廷這樣的「世仇」，很能一下子提升「Level」，只怕對著巴拉圭或千里達時出事。

英格蘭對德國我不太擔心，反而一如Derek所言，球員脾氣太燥才是致命傷，看著朗尼在場上「F**k off」前，「F**k off」後，不擔心才怪。

法國隊一直都是中場優於前線，九八年的古華治、之後的查斯古特以至近年的亨利，打國家隊都乏善足陳，因為中場實在太搶鏡。只是施丹已去，再沒有與他相等級數的球員做策劃甚至後上助攻，其實法國都幾危。

日本次次都與巴西一組，反令我想起《足球小將》內的情節，怪！

會唔會係因為亨利在阿仙奴係話晒事，
但在法國隊就唔係呢回事，
所以表現唔好呢?

之前辛天尼咪又係雙箭頭用查斯古特踢正中鋒

根本吹水兄，
杜文治教左幾耐? 好似上屆世界盃亨利已經係咁。
今日占邦達對車仔表現依然幾好
我玩fantasy soccer靠佢拎唔少分

回應Jensen，亨利一離開阿仙奴就出事，我諗同杜文冶雙箭頭打法限制了他的活動範圍好有關係。計牌面法國有冇施丹都仲係好強，講真重召施丹不如重用雲加！

比利睇好巴西、英格蘭、阿根庭，即係周生又要失望多一次喇

樓上的贊臣先生挺有眼光，覺得基袓應該入法國國家隊，果然識貨。

防守是英格蘭最大本錢，反之面對弱旅卻缺乏板斧。遇強愈強已成英軍一大特色！反正對德國、波蘭甚或哥斯達黎加、厄瓜多爾皆非隱勝，十六強面對德國，就算落敗起碼換回一句”光榮出局”！
阿根廷都算黑仔，組內每支對手都是分類中最強！塞黑外圍賽戰績雖好，但大賽未威過！論死亡度Ｅ組猶有過之，該組要爭的不只出線席位還有小組首名，皆因次名好大機會遇上巴西！
日本足球師承巴西，近年逢大賽皆與巴西同組！有無咁邪！！

不知艾歷臣是好命還是運濟，英格蘭現時人腳可能是近年最好的 (至少我係咁諗)
不過，他們的表現，也可能是近年最反覆及強差人意的 (我的確又係咁諗)
他們要出線，理論上不難，只是首名，還是次名吧。Alex兄你又不必太擔心英格蘭對德國的問題。因為一方面，我覺得論人腳，英勝德的機會不低；而且，德國出名最叻走線，所以他們可能會睇住英國黎打自己的比賽。不過可能最終奇連士文都無得揀，因為對手太差要「夾硬」要贏晒幾場。

近年覺得阿根廷其實幾勁，不過當然好難勁過巴西，但勝在平均，所以都幾喜歡阿根廷。如果「好彩」的話，英格蘭應該可以在八強對阿根廷。

十分同意Alex兄說，意大利很不濟。我想，他們出線可能也只是第二名。如果真是這樣，他們十六強就會對巴西，恐怕已經係行人止步了。

我喜歡法國。細細個時睇柏天尼、居理斯、洛捷圖(當時法國的唯一前鋒)、碧斯等。現在，「後施丹時代」的法國，真係不敢寄予厚望。亨利出名一離開阿仙奴就出事，相信下年都會係咁。反而對施斯同沙夏有D寄望。另外，小弟仲有一個奇想，就係希望韋根的右閘占幫達同米杜的基祖可以入選法國隊。幾喜歡這兩個球員。反過來想，連布桑同施維斯達都入得法國隊，為何占幫達同基祖唔得？

要出門口，寫住咁多先…..

很有趣的分析。證明Alex 兄的球齡絕對不淺,功力也甚為深厚,我也來扮一下專家吧。

所有主辦國在神推鬼湧下都會有絕佳好簽，德國也不例外，但以其人腳的質素，及近年其青年軍在歐洲賽的表現，就算給德國出線次圈，相信會行人止步。只要看德國的正選中堅，是車路士長坐冷板櫈的賀夫的事實，就可知德國欠缺人材的情況。

我不看好英格蘭有好成績，正如蔡子所說，一級強隊是不會敗於北愛爾蘭的。而且，英格蘭太多中堅及中路中場，卻欠缺正宗左翼。而更致命的，是球員的紀律甚差，碧咸與朗尼隨時沉不住氣被紅牌趕出場，那球隊在這麼高水平的作賽下，很難有獲勝的機會。我要潑周兄一冷水了。