愛情二三事

母親大人告知,她的朋友Y的女兒,將在六月結婚,叮囑我早點爭取當天放假,出席婚宴云云。Y的女兒比我大年多,是「由小玩到大」那種,最好玩的東西是鬥咀,對方也以「倀雞」著稱。

心想,不知是誰這麼不幸,成為她的老公?還是掉過來說,是哪人這麼本事,能收伏這個「倀雞妹」?

--

死黨老C(不單是姓氏縮寫,他也的確是名老師)素以換畫快速著稱,三年下來,女友一個換一個。最近,他又與女友分手了,原因?比他年長兩年的女友,逼婚也,豈料死黨不肯,於是和平告終。這名女子與她的前男友一起超過八年,據聞,會「重歸母會」云云。

這名前男友早前致函老C,問了一個相當奇怪,但也相當搞笑的問題,大意是:「你與她一起時,有沒有『咩過』??」真是好笑,唔「咩」既話,唔通係神交咩?我問老C怎樣答,他風趣地說:「我想,我會寫三隻字:『你話呢?』」

說起來,若「回歸母會」事件屬實的話,這名前男友已是二度接收了,這樣偉大的男子,少見--不過話得說回來,女方是很有錢的,計較權衡,也可能有著數。

--

有天食中午時,母親大人問我,「點解你仲未拍拖?」我搬出我最常用的回答:「你理得我啦!」

相信在六月出席那場飲宴時,也會被人問長問短的。數年前出席一名親戚的喪禮,也曾連續被三名親戚問同一個問題:「拍拖未呀?」好煩。

我對這回事,實在沒有甚麼信心可言。這可能是過去的經歷使然,也可能是我沒有膽量,也可能是我對普從未認識的女生,會變得結結巴巴,亦有可能是...我也不知道如何說起了。

或者,像我這樣古板,「成個阿伯」的人,加上其貌不揚,而且頭髮沒多少,又完全不風趣、不幽默的人,註定要在這方面,在可見的將來,還是個失敗者囉。

10 Responses to “愛情二三事”


  1. 1 Ada is :

    到左呢d年紀,最好就係避親戚,有咁遠避咁遠那種。
    莫講話有無拍拖,幾時結婚都根本唔關班親戚事--只係費事日後俾人話「結婚都唔請飲」,先至話聲佢知。

  2. 2 Anonymous is :

    柏拉圖:
    未拍拖就比人問拍拖未
    拍緊拖就比人問結婚未
    結左婚就比人問生仔未
    這就是人生吧??
    o徒氣~~

  3. 3 羅公 is :

    哈哈!原來老C 有d咁o既遭遇,不過我反而覺得另外個對男女可憐d,碰到老c,算佢地唔好彩呢!

    唉!年紀大左,對結婚再無乜憧憬,男人大丈夫,有一番事業會唔會重要d 呢﹗肥c弟兄

  4. 4 港燦 is :

    1. 未拍拖就比人問拍拖未
    2. 拍緊拖就比人問結婚未
    3. 結左婚就比人問生仔未
    4. 生左仔就比人問讀書未
    5. 讀緊書就比人問畢業未
    6. 畢左業就比人問做野未
    7. 做緊野就比人問拍拖未
    8. Repeat (1) again

    親友們 : 你問夠未 ?

  5. 5 Duke of Aberdeen is :

    周兄,有對象嗎?(八卦的問,不要介意。)

  6. 6 偉圖 is :

    喂,發了一個電郵給你,
    是hoiking@yahoo的,收唔收到,
    定係我寄錯左?

  7. 7 sputnik is :

    係咁架啦…
    好似我咁,無論係成日聯絡既朋友,抑或係間唔中電聯吓個d, 一聯絡, 實係問家陣拍拖未…
    老實話未, 一定引來大眾議論”點解仲未”(仲要話”冇理由” < --咩先係理由呢?)
    好想講:”冇咪冇囉,我都唔知點解架!”
    不過有時候朋友都係出於一片關心. 更甚者會好快又約出黎順便帶多個陌生男仕…

    唉,我都唔知點解架. 係冇咪冇囉.
    一個人又唔係有罪o既,係咪?

  8. 8 Stannum is :

    最怕就係﹐同XX分左手﹐親戚都仲問你同XX結婚未﹗

  9. 9 冬冬 is :

    算啦﹐成日都有D三唔識七既人走來問我幾時結婚。我次次都會話“never”。^^

  10. 10 Florence is :

    如果俾人問幾時結婚,我答現在夠逍遙,又話唔一定要結婚之類,會唔會好吋?我只是忽發奇想罷了,單身也可以活得快樂,alex,你還年輕,別為這些問題而影響心情.

Leave a Reply