下一個劫難是?

之前說過,查理斯與卡米拉的婚禮「歷盡劫難」,不過英國人似乎認為,在周六之前還會「好事多磨」,於是威廉希爾特地開了盤,供大眾投注下一波的「劫難」--當然,搞笑成份居多。

一賠三十三:卡米拉在周六當「走佬俏新娘」(哎,她與茱莉亞羅拔絲真是差天共地啦!),臨陣脫腳。

一賠四十:查理斯當「走佬俏新郎」。

一賠二十五:威廉王子冇記性,忘了帶老竇的結婚戒指。

一賠一百:英女王在最後關頭下聖旨,威脅查理斯若與卡米拉結婚的話,將不可繼承王位,導致「流婚」。

一賠五十:「喜劇恐怖分子」Barshak「重施故技」,繼當年闖入威廉王子的二十一歲生日派對搗亂後,再在周六於查理斯婚禮中「搞亂檔」。

一賠一百:溫莎市在周六出現暴風雪/水浸。

一賠一萬:外星人在周六早上登陸溫莎市。(!)

4 Responses to “下一個劫難是?”


  • 如果「英女王在最後關頭下聖旨,威脅查理斯若與卡米拉結婚的話,將不可繼承王位」﹐但查理斯不愛江山愛「美人」﹐甘願被貶﹐唔知會唔會冷過一賠一萬呢﹖

  • 查理斯同卡米拉都經歷十幾廿年劫難啦,將婚禮延期區區一兩日,又算得係乜野哎!

  • 咁班外星人會唔會叫卡米拉同佢地一齊返佢地鄉下?橫掂大家咁似樣…哈哈

  • 看上期的美國GQ,有個編輯話記得提醒Harry 佢老豆個婚禮不是服裝派對!

    唔知有無得買Harry 著乜衫呢?

Comments are currently closed.



%d bloggers like this: